Yazını böyüt
Yazını kiçilt
Bazar ertəsi Nyu-Yorkun şimal-qərbində regionda son 40 ilin ən güclü zəlzələsi qeydə alınıb. NBC xəbər verir.
Seysmoloqların məlumatına görə, Eri qraflığında 3,8 bal gücündə zəlzələ baş verib, yeraltı təkanların episentri Qərbi Seneka şəhərindən 2 km şərqdə olub. Mənbə təxminən 3 km dərinlikdə yerləşirdi. Zəlzələnin Niaqara şəlaləsi ərazisində hiss olunduğu qeyd edilir. Mümkün zərər barədə hələ ki, məlumat daxil olmayıb.
Kanalın məlumatına görə, 1983-cü ildən bəri Qərbi Seneka bölgəsində, Buffalo şəhəri yaxınlığında 2,5 baldan yuxarı 24 zəlzələ qeydə alınıb.
