"Mən şirniyyat yeməyi dayandırdım", "məşq etməyə başladım". Bu cür ifadələri tez-tez təkcə özünü tərifləyənlərdən deyil, həm də çəkisini idarə edənlərdən eşitmək olar. Əslində, arıqlamaq asan deyil.
Hafta.az qısa vaxtda arıqlamağı bacaran məşhurlardan bəzilərini diqqətə çatdırır:
Con Hill
Stretton Oakmontdan bəxti gətirməyən satıcı Con Hill indi yaraşıqlı bir insandır. Bunun üçün aktyor özünü arıqladıb, pəhrizini tamamilə yenidən nəzərdən keçirib və il ərzində 30 kiloqramdan çox çəki atıb. Conun ilk dəfə arıqlaması deyil, uzun müddətdir ki, artıq çəki ilə bağlı problemləri vardı. Lakin Hill ilk dəfədir ki, belə heyrətamiz nəticə əldə edir. Aktyor şirniyyatdan, qazlı sudan və hamburgerdən imtina edib, spirtli içki qəbul etməyi dayandırıb, müntəzəm idmanla məşğul olub. Həkimin xəbərdarlığı aktyor üçün böyük motivasiya olub.
Set Rogen
"Əgər Metyu Makkonahi mənə oxşamağa başlasa, özünü öldürəcək", - Set Rogen zarafat edib. 2011-ci ildə aktyor və ssenarist "Yaşıl qarğa" filmindəki yaramaz döyüşçü Britt Rid roluna görə demək olar ki, 15 kiloqram arıqlamışdı. Təbii ki, bu, onun üçün asan olmadı. Set pəhriz və məşqin onun əsas işinə çevrildiyini, lakin nəticənin buna dəyər olduğunu söylədi. Rogenin həyat yoldaşı Lauren Miller də ərinin xarici görünüşündəki dəyişikliklərə sevinib. Arıqlamaq Setin daha çox şeyə qadir olduğunu göstərdi və bu onun karyerasına təsir etmədi. Daha sonra o, Con Levinin “Həyat gözəldir” tragikomediyasında dostuna ağır xəstəliyə qalib gəlməyə kömək edən gənc oğlanı, Denni Boylun “Stiv Cobsun” bioqrafik dramında proqramçı Stiv Voznyak obrazlarını canlandırıb.
Canet Cekson
İnsan nə qədər gənc olsa, arıqlamaq bir o qədər asan olar. Müəyyən səbəblərdən bədən tez bir zamanda özünü yenidən qurur və dəyişikliklərə uyğunlaşır. Bu amili nəzərə alan müğənni Canet Cekson daha çox hörmətə layiqdir. 47 yaşında 25 kiloqram arıqlayan Canet, nəinki təravətli, həm də gözəl görünürdü. 2016-cı ildə 50 yaşlı Canet ilk dəfə ana oldu - hamiləlik dövründə hormonal müalicə sayəsində o, demək olar ki, daha 50 kiloqram çəki qazandı. Cekson geciksə də, analığı və qətiyyəti ilə pərəstişkarlarını təəccübləndirib. O, piylənmə ilə mübarizə apardı, zalım əri, milyarder Vissam əl-Manadan boşandı və oğlunun qəyyumluğunu qazandı.
Con Qudman
Aktyorun çəkisi şəxsi fəlakətinə çevrilmək üzrə olanda o, məşhur fitnes məşqçisi Mak Şilstona müraciət edib. Məhz Şiltson ona üç il ərzində 45 kiloqram arıqlamağa kömək edib. 2015-ci ilə qədər Qudman sağalmışdı. 63 yaşlı Qudmanın çəkisi 180 kiloqram idi və səhhətində ciddi problemlər yaranmışdı. Mak Qudmana rekordunu qırmağa kömək göstərib. Alkoqoldan imtina edib, gündə ən azı 7 kilometr piyada gedib, həftədə 6 dəfə idmanla məşğul olub, yalnız balıq, qoz-fındıq, tərəvəz və meyvələr yeyib.
Zak Qalifianakis
"Las Veqasda ziyafət" filmindəki Alan Qarner keçmişdə qaldı. Zak Qalifianakis artıq kök adam deyil. O, ciddi rolları və hərəkətləri ilə istedadlı komediyaçı hələ də diqqət mərkəzində olduğunu sübut etdi: 2013-cü ildə Zak idmanla məşğul oldu, iki il ərzində demək olar ki, 30 kiloqram arıqladı, düzgün qidalanmaya keçdi, bu da yalnız zahiri görünüşdə deyil, həm də həyatda dəyişikliklərlə nəticələndi.
