Rusiyanın əfsanəvi avtomobil modellərindən olan “Volqa”nın 68 yaşı tamam oldu.
Hafta.az-ın “Autonews” portalına istinadən yazdığına görə, sovet kinosunda iz qoyan model haqqında maraqlı məlumatlar mövcuddur.
1956-cı ildə buraxılan “QAZ-21 Volqa” şux dizaynı və geniş salonu ilə dövrün ən məşhur avtomobillərindən birinə çevrildi. Lakin bu avtomobil ümumiyyətlə dövlət məmurları və partiya rəhbərləri üçün istehsal edilib və sadə vətəndaşların əldə etməsi çox çətin olub.
“Volqa”nın ixrac versiyaları xüsusi olaraq istehsal edilərək Finlandiya və Norveç kimi ölkələrə göndərilirdi. Bəzi modellər hətta sol sükanlı versiyalar kimi istehsal edilib və Belçikada yığılıb.
“Volqa”nın bəzi modelləri avtomatik transmissiya ilə istehsal edildi, lakin bu avtomobillər nadir hallarda buraxıldı. Bundan əlavə, Sovet xüsusi xidmət orqanları üçün xüsusi versiyalar hazırlanmışdı. Bu avtomobillər yüksək sürətlə hərəkət etmək və təqib missiyalarında istifadə etmək üçün dəyişdirilib.
Avtomobilin ixrac versiyaları daha güclü mühərriklərlə təchiz edilmiş və bəzi Avropa bazarları üçün uyğunlaşdırılıb. Məsələn, Çində “Dongfanghong BJ760” adlı model “Volqa”nın dəqiq surəti kimi istehsal edilib.
QAZ-21 Sovet polis qüvvələrinin ən çox istifadə etdiyi avtomobillərdən biri idi. Polis və dövlət xidmətlərində istifadə olunan bu avtomobillər xüsusi avadanlıqla (məsələn, siren, axtarış işığı) gücləndirilir. Eyni zamanda, “Volqa” modelləri bütün Sovet İttifaqında taksi kimi geniş istifadə olunurdu.
Volqanın bəzi nadir versiyaları məşhur insanlara məxsus idi. Məsələn, məşhur sovet komediya ustası Yuri Nikulin 30 il nadir “Volqa QAZ-22”ni idarə edib.
