Kameron Diaz 2014-cü ildə Hollivudun ən böyük ulduzlarından birinə çevrildikdən sonra diqqətdən uzaqlaşıb.
Hafta.az-ın “Hollywood Reporter”a istinadən yazdığına görə, Diaz 10 illik uzun fasilədən sonra bir neçə yeni layihə ilə yenidən tamaşaçılarla görüşməyə hazırlaşarkən həm ayrılmasından, həm də geri qayıtmaq qərarından danışıb.
Sonuncu dəfə 2014-cü ildə Uill Qlakın rejissorluğu ilə çəkilmiş "Ennie" musiqili komediyasında rol alan Diaz, “Fortune” jurnalının “Ən Güclü Qadınlar Sammiti”ndə verdiyi açıqlamada aktyorluqdan təqaüdə çıxmasına toxunub.
"Bu, etməli olduğum bir şey idi" deyib 52 yaşlı ulduz və əlavə edib: "Öz həyatımı geri qaytarmağın düzgün bir şey olduğunu hiss etdim və başqa heç nə ilə maraqlanmadım. Xeyr, kiminsə fikri, heç kimin uğuru, heç kimin təklifi, heç kim heç nə deyil. Bu, mənim özümə qayğı göstərmək və həqiqətən sahib olmaq istədiyim həyatı qurmaq qərarımı dəyişdirə bilməzdi".
Son 10 ildə Diaz “Good Charlotte” rok qrupunun gitaraçısı Benji Madden ilə evlənib və iki övladı - qızı Raddiks və oğlu Kardinal doğulub.
O, həmçinin 2020-ci ildə ortağı Katerin Poverlə birlikdə “Avaline” şərab brendini işə salıb.
Diaz, 2025-ci ilin yanvarında Netflix-də premyerası olacaq “Back in Action” filmində Camay Foksla birlikdə böyük ekrana qayıtmağa hazırlaşır.
Uzun müddət Fionanı səsləndirdiyi "Shrek" serialının 5-ci filmi üçün geri dönəcəyi və "Outcome" qara komediyasında Keanu Rivzlə birlikdə rol almaq üçün danışıqlar apardığı da bildirilir.
Hollivuda qayıdışını təsvir edən Diaz "Ailəm üçün doğru zaman idi" deyir.
"Buna görə də özümü məcbur etməli oldum" deyən Diaz əlavə edib: "Həyat yoldaşım ən yaxşısıdır. O dedi: "Sən bizə dəstək oldun və ailəni yaratdın, indi sənə dəstək olmaq və öz işinə dönmək vaxtıdır. Mən də dedim ki, yaxşı”.
Diaz, Netflix layihəsi üçün Foxx-a yox deyə bilməyəcəyini də açıqladı və üçüncü dəfə Oskarlı aktyorla işlədiyini xatırladıb.
İkili daha əvvəl “Annie” və 1999-cu ildə çəkilmiş “Any Given Sunday” filmlərində birlikdə kamera qarşısına keçiblər.
