Astanada “Jambil. Jana Dəyir” filminin təqdimat mərasimi keçirilib.
Hafta.az-ın yazdığına görə, Qazaxıstan Mədəniyyət və İnformasiya Nazirliyinin dəstəyi ilə çəkilmiş film böyük qazax şairi Jambıl Jabayevə həsr olunub.
Film qazax ədəbiyyatı tarixində silinməz iz qoymuş böyük şairin həyatının son doqquz ilindən bəhs edir. Filmdə Jabayevin həyatına təsir edən mühüm hadisələr işıqlandırılır: akınların görüşü, qəzet və jurnallarda şeirlərinin dərci, Oraz Jandosov, Saken Seyfullin və dövrün digər görkəmli xadimləri ilə görüşlər canlandırılır.
Rejissorun sözlərinə görə, film Moskva arxivlərində olan tarixi faktlara əsaslanır. Xüsusilə maraqlıdır ki, filmdə akınla birgə işləyən Yosif Qılmanın nəvəsinin saxladığı məlumatlardan istifadə olunub.
“Jambilin adı çoxlu etibarsız miflərlə əhatə olunub və mən böyük akının əsl obrazını yaratmaq istəyirdim. O dövrə qərq olmaq və real faktları öyrənmək üçün o illərin müasirlərinin yazdığı sənədləri və kitabları öyrəndim. Eyni zamanda, mən sənədli film çəkmirdim və təkcə tarixi həqiqəti deyil, bədii həqiqət hüququnu qoruyurdum”, - deyə rejissor Jandos Kusaynov bildirib.
Filmdə baş rolu Qazaxıstanın xalq artisti Dosjan Janbotayev ifa edib. Rollarda həmçinin Almas Şayaxmetov, Anna Starçenko, Asan Majit, Erik Yolzhaksinov, Fərhad Mahmudov, Filip Voloşin, Asılbek Aytiş və başqaları yer alıb.
“Jambıl. Jana Dəyir”in çəkilişlərinə 2021-ci ildə Qazaxıstanda məşhur akının anadan olmasının 175-ci ildönümünü qeyd ediləndə start verilib. Film iyunun 6-da ekranlara çıxacaq.
