Ukraynada müharibə tam sürətlə davam edərkən, qarşıdurmaların miqyasını üzə çıxaran bir görüntü ortaya çıxıb. Geri çəkilən ukraynalı əsgər dostlarına vaxt qazanmaq üçün geridə qalıb və təkbaşına Rusiya qüvvələri ilə döyüşüb. Həmin anlar saniyə-saniyə qeydə alınıb.
Hafta.az xəbər verir ki, Ukrayna fevralın 24-dən Rusiyanın hücumlarına müqavimət göstərdiyi halda, Ukraynanın müqavimətini qıra bilməyən Moskva öz yolunu ölkənin şərqinə çevirib.
Kiyevin həftələrlə davam edən mühasirəsinə baxmayaraq, şəhəri ala bilməyən rus ordusuna qarşı müqavimətin son dayanacağı mühüm sənaye şəhərləri Severodonetsk və Lisiçanskdır.
Çünki əgər Rusiya Severodonetsk və Lisiçanski tutsa, o zaman bütün Luqansk vilayətinə nəzarət etmiş olacaq.
Strateji əhəmiyyətli bölgədə qarşıdurmalar səngimədən davam edərkən, daxil olan görüntülər tezliklə dünyanın gündəminə gəldi.
Birinci Dünya Müharibəsini xatırladan super müharibələrə səhnə olan bölgədə Ukrayna əsgərinin Rusiya qüvvələrinə təkbaşına müqavimət göstərdiyi anlar pilotsuz təyyarənin kamerası ilə saniyə-saniyə lentə alınıb.
İngilis Daily Mail qəzeti əsgərin geri çəkilən bölməsinə vaxt qazanmaq üçün geridə qaldığını və təkbaşına döyüşdüyünü yazıb.
Bir müddət sayca üstün olan düşmənə müqavimət göstərən əsgərin əl qumbarası ilə öldürüldüyü açıqlanıb.
Ukrayna əsgərinin müqaviməti internetdə yayılıb və sosial mediada rekordlar qırıb. Bir çox sosial şəbəkə istifadəçisi adı açıqlanmayan əsgəri “Ukraynanın ən cəsur əsgəri” kimi xarakterizə edib.
Son zamanlar təşəbbüsün bölgədə Rusiya ordusuna keçdiyi deyilir. Ukraynadan gələn bəyanatlar da bu iddianı dəstəkləyir.
Rusiya qüvvələrinin şiddətli müqavimətə baxmayaraq, Ukraynanın şərqindəki Severodonetsk şəhərinin mərkəzinə yaxınlaşdığı açıqlanıb.
Luqansk vilayətinin qubernatoru Sergiy Qayday sosial mediada verdiyi açıqlamada bu sözləri deyib;
“Ruslar Severodonetskin ortasına doğru irəliləyir. Münaqişələr davam edir. Vəziyyət çox çətindir”.
Bu yaxınlarda Rusiyanın bu bölgədə hərtərəfli hücuma keçdiyi açıqlandı və Rusiya qüvvələri Luqansk vilayətinin sonuncu böyük şəhəri və Donbasın ən şərq nöqtəsi olan, hələ də Ukraynanın nəzarətində olan Severodonetsk və onun qardaş şəhərini Lysychansk mühasirəyə almaq üçün hərəkətə keçib.
ABŞ mətbuatının yazdığına görə, əgər uğurlu olarsa, bu addım ərazini müdafiə edən Ukrayna qoşunlarını tələyə salacaq və Rusiyanın Ukrayna hökumətinin şərqdəki əsas inzibati və hərbi mərkəzi olan Kramatorska marşrutunu açacaq.
