Konya şəhər mərkəzinin şimal-qərbində yerləşən və 5 min illik tarixi boyunca bir çox sivilizasiyaya ev sahibliyi edən Sille rayonunda bir çox imperiyaların tarixi izləri var. Rum kəndi olaraq da bilinən məhəllədəki Aya Eleni Kilsəsi Anadolunun ilk kilsələrindən biri kimi tanınır.
Hafta.az-ın yazdığına görə, 1700 ildir uçmadan dayanan və bərpa edildikdən sonra muzey kimi ziyarət edilən bina haqqında məlumat verən Səlcuqlu Bələdiyyəsi Sille Muzeyinin müdiri, arxeoloq Sercan Yayla, "Hazırda dünyanın ən qədim kilsəsinin qarşısındayıq. Aya Eleni Kilsəsi 327-ci ildə Konstantinin anası Yelena tərəfindən tikilib. Kilsə 327-ci ildən 1923-cü ilə qədər fəaliyyətini davam etdirib və fəaliyyətində heç bir fasilə olmayıb. Birinci Dünya Savaşı dövründə kilsə Türkiyənin ilk ortopedik xəstəxanası olaraq fəaliyyət göstərib, burada ağacdan istehsal olunan qol və qıçlar cəbhə bölgəsinə göndərilib.
Birinci Dünya Müharibəsindən sonra Aya Eleni Kilsəsi yenidən pravoslavlara verilib və 1924-cü ilə qədər fəaliyyətini davam etdirir. 1924-cü ildən sonra buradakı xristianlar Yunanıstana mühacirət etdilər. 1924-cü ildən sonra Aya Eleni kilsəsinin dini fəaliyyətini sonlandıraraq qapılarını qıfıllayıb.
Kilsə Konyanın mərkəzi Səlcuqlu İlçə Bələdiyyəsi tərəfindən bərpa edildikdən sonra muzey olaraq ziyarətçilərin ixtiyarına verilib. Arxeoloq Sercan Yayla, "Aya Eleni kilsəsinin bərpasına 2009-cu ildə başladıq və proses 2012-ci ildə tamamlandı və o vaxtdan günümüzədək muzey kimi ziyarətçilərin üzünə açıqdır.
"Təxminən 1700 il yaşı olan bir binanın ayaqda durması və tarixi hadisələrə şahid olması vacib məqamdır. İnsanlar gələndə divarlara toxunmaq, o anı yaşamaq və keçmişə qayıtmaq istəyirlər” Sercan Yayla deyib.
Aya Eleni kilsəsini ziyarət edənlərin sayı ilə bağlı məlumat verən Yayla, "Burada çoxlu yerli və xarici turisti qəbul edirik. Yunanıstan, Bolqarıstan və Rusiyadan gələn ziyarətçilərimiz, pravoslav təriqətinə yaxın insanlar daha çox buranı ziyarət edirlər. Bizim üçün çox əhəmiyyətli bir binadır, gələcəkdə daha çox xarici turisti qəbul etməyə başlayacağıq” deyə bildirib.
