Baxış rekordları qıran “Game of Thrones”un ulduzu Emilia Klark Amazon Prime Video-nun kriminal komiks seriyasından uyğunlaşdırılacaq serialında rol alacaq.
Hafta.az-ın yazdığına görə, 37 yaşlı Klark, daha əvvəl aktyor heyətinin üzvləri Şarl Hunnam, Riçard Cenkins, Con Haukes, Adria Arjona, Loqan Brouninq, Kadim Hardison, Pat Heli, Taylor Sel, Aliyah Kamaço, Maykl Mando, Marvin Cons III, Maykl Xavyer və Dominik Burgeslə birlikdə rol alacaq.
Komiks seriyası Ed Brubaker və Sean Filips tərəfindən çəkilib. Rəsmi təsvirdə serialın “kriminal hekayələrin bir-birinə bağlı kainatı” olduğu bildirilir.
Emilia Klark "silahını zəkasından tez istifadə edən hiyləgər və cəsur quldur" kimi təsvir edilən Mallori rolunda tamaşaçılar qarşısına çıxacaq. O, ehtiraslı, Bonni və Klid kimi münasibətdə olduğu Ricki Lauleslə soyğunçuluq edən komandanın bir hissəsidir.
Rəsmi təsvir onun xarakter xüsusiyyətlərini belə göstərir: "Mallori qanunun yanlış tərəfində yaşayan, onu və bütün komandasını təhlükə altına qoyan sirləri gizlədən bir qadındır".
Klark daha çox 8 mövsüm davam edən və bu müddətdə 4 Emmy nominasiyası alan HBO-nun rekord qıran “Game of Thrones” seriyasındakı Daeneris Targaryen rolu ilə tanınır.
Britaniyalı aktyor sonuncu dəfə Kobi Smulders, Samuel L. Cekson, Olivia Kolman və Kingsley Ben-Adir kimi məşhur adlarla yanaşı Disney+-da yayımlanan “Marvel” serialı “Secret İnvasion”da rol alıb.
