“Güc siyasətinin və birtərəfli zorakılığın gələcəyi yoxdur. Ölkələri Asiyada sülh və sabitliyi qorumaq üçün çoxtərəfli mexanizmlər çərçivəsində daha güclü əməkdaşlığa çağırırıq”.
Hafta.az yazır ki, bunu Çinin xarici işlər naziri Vanq Yi Vyetnama səfərinin yekunlarına dair brifingdə jurnalistlərə deyib.
Nazir, hazırda beynəlxalq vəziyyət dərin dəyişikliklərə məruz qalır, regional münaqişələr onların sərhədlərindən kənara yayılır, bəzi böyük dövlətlərin özbaşına güc tətbiq edərək, qlobal sülh və sabitliyə ciddi təhlükə yaratdığını vurğulayıb.
O, xatırladıb ki, bu il Çinlə Cənub-Şərqi Asiya Dövlətləri Assosiasiyası (ASEAN) arasında hərtərəfli strateji tərəfdaşlığın qurulmasının beşinci ildönümüdür. Bu il və gələn il Çinlə Vyetnam Asiya-Sakit Okean İqtisadi Əməkdaşlıq (APEC) qeyri-rəsmi iqtisadi liderlərinin görüşlərinə ev sahibliyi edəcək və Vyetnam Lankanq-Mekonq Əməkdaşlıq Mexanizminin həmsədri rolunu öz üzərinə götürəcək. Çinin xarici işlər naziri bildirib ki, dünya sülhü, sabitliyi və ədaləti üçün mühüm bir qüvvə olan Çin, Vyetnam və digər ölkələrlə birlikdə APEC, ASEAN və Lançanq-Mekonq Əməkdaşlıq Mexanizmi kimi çoxtərəfli çərçivələr daxilində koordinasiyanı və əməkdaşlığı gücləndirmək, onların ortaq evini - Asiyanı qorumaq, Asiya-Sakit Okean icmasının qurulmasını birgə irəli aparmaq və bəşəriyyət üçün ortaq gələcəyi olan bir icmanın qurulmasında nümunə göstərmək üçün işləməyə hazırdır.
Vyetnama səfəri zamanı Vanq Yi Çin-Vyetnam 3+3 Strateji Dialoq Mexanizminin diplomatiya, müdafiə və ictimai təhlükəsizlik üzrə ilk nazirlər görüşündə iştirak edib və Çin-Vyetnam İkitərəfli Əməkdaşlıq Rəhbər Komitəsinin 17-ci iclasına həmsədrlik edib.
