Meymunçiçəyinə yoluxanlar üç həftəlik karantinə alınacaq

17:51 24.05.2022 Müəllif:Hafta.az
Yazını böyüt
Yazını kiçilt

Almaniyada meymunçiçəyinə yoluxan şəxslər üç həftəlik karantinə alınacaq.

Hafta.az-ın məlumatına görə, bu barədə ölkənin səhiyyə naziri Karl Lauterbax elan edib.

O bildirib ki, Almaniya hökuməti Robert Kox İnstitutu ilə birgə xəstəliklə mübarizə çərçivəsində tövsiyələr hazırlayıb.

Xəstəliyə yoluxmuş şəxslərlə yanaşı, onlarla yaxın təmasda olmuş insanları da karantinə alınmaq tövsiyə olunub.

Qeyd edək ki, Ümumdünya Səhiyyə Təşkilatının məlumatına əsasən, meymunçiçəyi infeksiyası bu günədək 19 ölkədə 131 nəfərdə aşkarlanıb, daha 106 yoluxma şübhəsi araşdırılır.

Oxunma sayı 197