Son xəbərə görə, rus qüvvələri Donbasın Severodonetsk şəhərinə hücum edir və havalar isindikcə cəbhə xəttindən gələn meyit iyi yüzlərlə metrlərə yayılır. Ukrayna ordusu 34 yaşlı desant polkovnik-leytenantını güllələyib.
Hafta.az xəbər verir ki, Rusiya ordusunun Ukraynada böyük itki verdiyi məlumdur. Ukrayna 30 mindən çox rus əsgərinin öldürüldüyünü, 1300-dən çox rus tankının məhv edildiyini bildirir. Vladimir Putin 1960-cı illərdə Sovet İttifaqının istehsal etdiyi tankları çəkərək cəbhə xəttinə apardı.
Ukrayna tərəfindən vurulan rus generallarının sayı 10-u keçdiyi halda, Putinin ən yaxşı paraşütçü komandiri öldürülənlər siyahısına əlavə edilib. 34 yaşlı polkovnik-leytenant Aleksandr Fileqayev Rusiyanın ən yaxşı paraşütçü komandiri kimi göstərilib.
Qızıl Meydandakı yürüşlərdə iştirak edən və çoxlu medallara sahib olan Fileqayev 104-cü paraşüt alayının komandiri idi. Sözügedən alay rusların yüzlərlə dinc sakini qətlə yetirdiyi Buçada yerləşirdi.
Rus ordusunun daha bir itkisi polkovnik Vladimir İvanov olub. Məlum olub ki, əvvəllər Rusiya Müdafiə Nazirliyinin İnformasiya və Kütləvi Kommunikasiyalar bölməsində xidmət edən 41 yaşlı polkovnik İvanov mart ayında Ukraynada öldürülüb.
Yalnız may ayının sonunda cənazəsi dəfn edilən polkovnik rus təbliğatçısı kimi tanınırdı. Dəfn mərasimində onun yoldaşları polkovnik İvanovun plakatını daşıyıblar.
Polkovnik İvanovun qətlinin təsdiqlənməsi ilə Rusiya Ukraynada qırx səkkizinci polkovnikini itirdi.
