Yeni bir elmi araşdırmada ABŞ-ın keçmiş prezidenti Donald Trampın məşhur bir dərmanı 17 min Covid ölümü ilə əlaqələndirilib.
Hafta.az-ın “Nature” dərgisinə istinadən yazdığına görə, tədqiqatçılar deyirlər ki, malyariya dərmanı hidroksiklorokin “Covid-19”un ilk dalğası zamanı xəstələrə "klinik faydalarını sənədləşdirən sübutların olmamasına baxmayaraq" təyin edilib.
Fransız araşdırması ABŞ, Fransa, Belçika, İtaliya, İspaniya və Türkiyədə 16990 xəstənin dərmandan ölə biləcəyini təxmin edib.
Bu araşdırma “Biomedicine & Pharmacotherapy” elmi jurnalının fevral sayında dərc olunub.
Tədqiqatçılar deyirlər ki, istifadə edilən məlumat “Nature” elmi jurnalında dərc olunan araşdırmadan əldə edilib. Sözügedən araşdırma, dərmanın resepti ilə bağlı ölüm nisbətində 11 faiz artım olduğunu bildirir.
Tədqiqat bu artımın ürək ritminin pozulması və digər təsirli müalicələr əvəzinə istifadə edilməsi kimi təsirlərdən qaynaqlandığı qənaətinə gəlib.
Fransa və Kanada alimləri bu rəqəmdən xəstəxanaya yerləşdirmə məlumatlarını, dərmandan istifadəni və altı ölkədə dərmana görə ölüm riskinin nisbi artımını araşdırmaq üçün istifadə etdiklərini deyirlər. Tədqiqatçılar deyirlər ki, onların araşdırması 2020-ci ilin mart-iyul ayları arasında yalnız 6 ölkəni araşdırdığını nəzərə alsaq, ölənlərin sayı həqiqətən əhəmiyyətli dərəcədə yüksək ola bilər.
“The New York Times” qəzetinin yazdığına görə, Tramp bir dəfə dərmanı “möcüzəvi müalicə” adlandırıb və 2020-ci ilin mayında ondan profilaktik tədbir kimi istifadə etdiyini bildirib.
“Hidroksillə bağlı son dərəcə müsbət xəbərlər alıram" deyən Tramp, "İtirməli olduğunuz nə var?" – deyə soruşub.
Bir sıra tibb ekspertləri tərəfindən dərhal tənqid edilən Trampın açıqlaması ABŞ Qida və Dərman Administrasiyasının dərmanla bağlı təhlükəsizlik xəbərdarlığı verməsindən cəmi bir ay sonra səslənib.
