Məşhur kinorejissor Martin Skorseze uzun müddət müstəqil rejissor Ti Uestin pərəstişkarı olub.
Hafta.az-ın “New York Times”a istinadən yazdığına görə, Skorseze, “New York Times”a məktub yazaraq, “MaXXXine” ilə bitən Uestin “X” trilogiyasını tərifləyir.
Trilogiyanın ulduzu Mia Qot hər filmdə Maxine və Pearl adlı personajları canlandırıb. Filmlərin hər biri fərqli ildə çəkilib. Skorsezenin açıqlamasına görə, Uest bu üç film üçün hər dövrə aid məşhur estetikadan istifadə edib.
Oskar mükafatlı rejissorun sözlərinə görə, Uestin bütün X filmlərində “Amerika kinosunun müxtəlif dövrlərinə aid olan fərqli bir dəhşət növü” var.
Skorsezenin yazdığı kimi, trilogiyanın ilk filmi olan X, "1970-ci illəri, qırğın dövrünü" təmsil edir. Pearl "1950-ci illərin melodramını canlı və doymuş rənglərlə nümayiş etdirərkən", “MaXXXine” ekrana "1980-ci illərin Hollivudunu, korrupsiyasını və ümidsizliyini" gətirir.
Skorsezenin yazdığı kimi, filmlər "kino mədəniyyətinin üç fərqli dövründə qurulmuş və daha geniş mədəniyyəti əks etdirən bir-biri ilə əlaqəli üç hekayədir".
“New York Times” Skorseze-nin məktubu haqqında yazırdı: "Skorsezein fikrincə, Uest keçmişin estetikasına hopmuş filmlərə müasir ideyaları daxil etməklə cəsarətli və tamamilə kinematik bir şey etdi".
Uest daha əvvəl “Total Film”ə demişdi ki, “MaXXXine” üzərində işləyərkən Skorsezenin 1976-cı ildəki şah əsəri “Taxi Driver”dan təsirlənib.
Zaman-zaman aktyorluq da edən Uest, qorxu janrındakı əsərləri ilə tanınır. Rejissorun digər qorxu filmləri arasında 2005-ci ildə çəkilmiş “The roost”, “The House of the devil” ve “The innkeepers” var.
