Bu gün Bakı Biznes Mərkəzində "Yüksəliş"müsabiqəsinin başlamasına dair mətbuat konfransı keçirilib.
Hafta.az xəbər verir ki, mətbuat konfransında müsabiqənin Təşkilat Komitəsinin sədri Prezident Administrasiyasının Humanitar siyasət, diaspor, multikulturalizm və dini məsələlər şöbəsinin müdiri Fərəh Əliyeva, Təşkilat Komitəsinin üzvləri - Gənclər və idman naziri Azad Rəhimov, Dövlət İmtahan Mərkəzinin direktorlar Şurasının sədri Məleykə Abbaszadə, İşçi qrupunun rəhbəri Gənclər və idçan nazirinin müavini Fərhad Hacıyev iştirak ediblər.
Mətbuat konfransında ilk çıxış edən Fərəh Əliyeva bildirib ki, bu layihəyə artıq start veririk:
"Bizim görüşlərimiz, toplantılarımız olmuş, biz bu gündən müsabiqəni başlaya bilərik. Müsabiqənin keçirilməsi dövlət başçısının islahatlarının bir halqasıdır. Yeni idarəçi deyəndə kimi axtarırıq? Bu inkişafa dəstək olanları hardan tapmalıyıq? İdarəçilik vərdişləri olan hər kəsi bu müsabiqədə iştirak etməyə çağırırıq. Kadr ehtiyatı bankının yaradılması ən əlverişli müstəvi olacaq".
Azad Rəhimov isə çıxış edərək dedi ki, son altı ay ərzində bu layihənin üstündə çox dərindən, hər tərəfi əhatə edən təhlil aparıldı. Dünya təcrübəsindən istifadə edildi:
"Biz hamımız bir fikrə gəldik ki, bu ölkə üçün çox vacibdir. Biz belə düşünürük ki, ölkədə çox geniş bir tğbliğat aparılacaq. Hər gənc buna qatıla bilsin. Gənclər üçün bir imkandır. Ondan istifadə edə bilsinlər.
DİM rəhbəri Məleykə Abbaszadə isə bildirdi ki, bu tarixi bir müsabiqə olacaq:
"Bizə çox böyük etimad göstərilib. Mən texniki məsələlərə toxunmayacam. Onu qeyd etmək istərdim ki, 20 il ərzində çox seçimlər aparmışıq. 10 ildən çoxdur dövlət qrumlarından da seçim aparmışıq. Tək bilik və bacarıqlar yox psixoloji xususiyyətləti də bu zamana qədər tam yoxnalımırdı. Bu isə yenidir. Təbii ki, bu prosesdə 20 illik topladığımız nəticə və bizim bütün insan potensialmız, ekspertlər qoşulacaq. Şəffaflıq tam qorunacaq"
Qeyd edək ki, bu gündən “Yüksəliş” müsabiqəsinin qeydiyyat mərhələsinə start verilib. Müsabiqədə qeydiyyat mərhələsi bitənədək 21–51 yaş arasında olan, ali təhsilli, ən azı 2 il idarəçilik təcrübəsinə malik Azərbaycan Respublikasının vətəndaşları iştirak edə bilərlər.İdarəetmə təcrübəsi dedikdə, mülkiyyət formasından asılı olmayaraq işlədiyi qurumda rəhbərlik mövqeyində praktiki təcrübəyə malik, bir və ya daha çox insanın, layihə qruplarının, resursların, podratçıların və digərlərin idarə olunması nəzərdə tutulur.Müsabiqənin yekunlarına əsasən, qalib elan edilmiş 20 iştirakçıya müvafiq təlim proqramında keçmək üçün 20 min manat məbləğində qrant təqdim olunacaq. Bundan başqa, onlar idarəedici kadr heyətinin inkişafına dair proqramlara və İdarəçi rəhbərlərin iştirakı ilə mentorluq proqramına qoşulmaq imkanı qazanacaqlar. Qaliblərin adları yaradılacaq kadr ehtiyatı bankına daxil ediləcək.Müsabiqə Qeydiyyat, Onlayn seçim, Əyani seçim, Yarımfinal və Finaldan ibarət olmaqla 5 mərhələdə keçiriləcək. Qeydiyyat mərhələsində müsabiqədə iştirak etmək hüququna malik olan şəxslər www.yukselish.az rəsmi internet səhifəsində Şəxsi Kabinet yaratmaqla və qeydiyyat formasını (anketi) doldurmaqla qeydiyyatdan keçə bilərlər.Qeydiyyat 2 fevral 2020-ci il saat 18.00-dək davam edəcək. Onlayn seçim mərhələsində Qeydiyyat mərhələsini uğurla başa vuran bütün iştirakçılar iştirak etmək hüququ qazanırlar. Bu mərhələdə iştirakçıların tələb olunan intellektual biliklərə sahib olması, idarəçi olmaq üçün lazımi potensialları əhatə edən şəxsi keyfiyyətləri qiymətləndirilir. Onlayn test tapşırıqları iki hissəyə bölünməklə ümumi biliklər (Azərbaycan dili və ədəbiyyatı, mədəniyyəti, tarixi, coğrafiyası, hüquq və iqtisadiyyat) və qabiliyyət testləri (verbal və rəqəmsal məlumatların təhlili, mücərrəd düşüncə) formatında keçiriləcək.Onlayn seçim bitdikdən sonra müvafiq video müraciəti Şəxsi Kabinetdə yerləşdirmiş iştirakçı Əyani mərhələdə iştirak hüququ qazanır. Bu mərhələdə iştirakçıların ümumi erudisiyaları ilə yanaşı, sosial intellekti, düşüncə sürəti və danışıq qabiliyyətləri də yoxlanılır. İştirakçılar daha öncədən təyin olunan ünvana gələrək, sözügedən mərhələdə əyani şəkildə iştirak edirlər.
Üçüncü mərhələdən uğurla keçən iştirakçılar yarımfinal mərhələsində iştirak etmək hüququ qazanırlar. Bu mərhələdə iştirakçıların idarəetmə, komanda və fərdi şəkildə işləmək bacarıqları məşğələ və tapşırıq üsulu ilə yoxlanılacaq. İştirakçılar üçün fərdi inkişaf planının hazırlanması məqsədilə iştirakçılar ekspertlərin, insan resursları üzrə mütəxəssislərin və öz sahəsində peşəkar sayılan insanlar tərəfindən müsahibə olunacaq.Nəhayət, yarımfinal mərhələsindən uğurla keçən iştirakçılar final mərhələsinə vəsiqə qazanırlar. Final mərhələsi çərçivəsində keçirilən tədbirlərdə iştirakçıların idarəetmə bacarıqları xüsusi tapşırıqların (işgüzar oyunlar, sosial layihələr və onların həlli, eskpertlərlə iş, müsahibələr) köməyi ilə qiymətləndirilir. Bu mərhələdə iştirakçılar İdarəçi rəhbərlərlə görüşəcək, onlarla birgə işgüzar müzakirələr, dəyirmi masalar təşkil olunacaq. Qaliblər müsabiqə bitdikdən sonra İdarəçi rəhbərlərlə fərdi inkişaf proqramı çərçivəsində birbaşa işləmək imkanı əldə edəcəklər.Mətbuat konfransında qeyd olunub ki, iştirakçıların yüksək intellektual zəka, qərar qəbuletmə, işin bölüşdürülməsi, risk və böhranın idarə edilməsi, diqqəti nəticələrə yönəltmək, strateji düşünmək, komandada işləmək, kommunikasiya, dəyişikliklərin tətbiqi, innovativliklərin tətbiqi, büdcənin idarəedilməsi, sosial məsuliyyət kimi kompetensiyaları qiymətləndiriləcək.
