2023-cü ildə sürpriz bir uğur qazanan hüquqi dramı, məşhur sitkom “The Office” rekord qırmağı bacarıb.
Hafta.az-ın yazdığına görə, NBC-nin 2005-ci ildə premyerası olan sitkom, Pensilvaniya ştatının Skranton şəhərində bir kağız şirkətinin işçilərini izləyirdi.
Komediyaçı Rikki Gervays və Stefen Merzant tərəfindən yaradılan "The Office" ilk dəfə 2001-ci ildə BBC-də yayımlanıb. Məşhur serial 2005-ci ildə NBC üçün ABŞ-a uyğunlaşdırılıb və 2013-cü ilə qədər 9 mövsüm davam edib. O vaxtdan bəri serial Netflix və Amazon Prime Video da daxil olmaqla axın platformalarında populyarlığını qoruyub saxlayıb.
Tədqiqat şirkəti Nielsen-in 2023-cü il məlumatları, “The Office”in yayım rekordunun sürpriz bir hit olan “Suits” tərəfindən tutulduğunu və dəqiqələrlə ən çox izlənilən seriallar rekordunu əlində saxladığını ortaya qoyub.
“Suits”, 2023-cü ildə cəmi 57,7 milyard dəqiqə izləməklə “The Office”in əvvəlki 57,1 milyard dəqiqəlik rekordunu geridə qoymağı bacarıb.
Aaron Korş tərəfindən yaradılan "Suits" 2011-ci ilin iyununda başlayıb və ilk dəfə USA Network-də yayımlanıb.
Serial hüquq fakültəsinə getməyən, kolleci yarımçıq qoyan Mayk Ross və Harvi Spektr və davalarda qalib gələrkən Maykın sirrini necə saxladıqlarına diqqət yetirirdi.
9 mövsüm və 134 seriya davam edən serialda baş rollarda Patrik J. Adams və Gabriel Mazt, həmçinin Rik Hoffman, Megan Markl, Sarah Rafferti, Amanda Şull və Gina Torres yer alıb.
2019-cu ildəki finaldan sonra “Suits” ABŞ-da yerləşən “Peacock” axın platformasına əlavə edilib, lakin orada böyük səs-küy yaratmayıb.
Serial 2023-cü ilin iyununda Netflix-də premyerası olanda hər şey dəyişib. 2019-cu ildə sona çatmasına baxmayaraq, “Suits” Netflix-də misli görünməmiş tamaşaçı sayına nail olub və rekord qıran 12 həftəni Nielsenin Ən Çox Baxılanlar siyahısında birinci yerdə keçirib.
Bu müddət ərzində, “Suits” 7 həftə ardıcıl olaraq həftədə 3 milyard dəqiqə izlənilən şok edici baxış sürətinə çatıb.
Bu uğurun ardınca, serialın finalından illər sonra bir spinoff layihəsinin hazırlandığı açıqlanıb. Lakin Marklın yeni layihədə iştirakı gözlənilmir. “Suits” hələ də Netflix-də izləmək mümkündür.
