Yazını böyüt
Yazını kiçilt
Muğladan Ankara və Əskişəhərə iki avtobusla gedən lisey şagirdləri pisləşərək Kütahyadakı xəstəxanaya aparılıb.
Hafta.az-ın yazdığına görə, səfərdən qayıdan şagirdlər Əskişəhərdə nahar fasiləsində pizza və sote toyuq yeyiblər. Avtobuslar Kütahyaya yaxınlaşanda bəzi şagirdlər ürəkbulanma və qusma şikayəti ilə müraciət ediblər.
Müəllimlər müdaxilə edərək avtobusları Kütahya Şəhər Xəstəxanasına yönləndirib. Onlar qida zəhərlənməsi şübhəsi ilə xəstəxanaya gətirilib və dərhal müşahidə altına alınıb.
İlkin məlumatlara görə, 28 şagirdin səhhətinin pisləşdiyi, lakin ümumilikdə vəziyyətinin qorxulu olmadığı bildirilir.
Polis hadisə ilə bağlı araşdırmalara başlayıb. Qida zəhərlənməsi şübhəsi və hadisə ilə bağlı şagird və müəllimlərdən ifadələr alınıb.
-1780662142.jpg&h=173&w=263&zc=1&q=80)
