Rejissor Ceyms Kemeron Fransanın “20 Minutes” telekanalına müsahibəsində “Avatar”ın üçüncü hissəsinin təfərrüatlarını açıqlayıb.
Cameron, qarşıdan gələn filmdə hamıdan fərqli bir Na'vi qəbiləsini nümayiş etdirəcəyini açıqlayıb.
“İlk filmlərdə çox mənfi insan nümunələri və çox müsbət Na’vi nümunələri var. Avatar 3-də biz bunun əksini edəcəyik” deyib.
Üçüncü hissədə Kemeron tamaşaçıların əvvəllər görmədiyi Pandora mədəniyyətlərini, o cümlədən “döyüşkən atəş tayfasını” göstərəcəyini vəd edib.
Rejissorun sözlərinə görə, növbəti filmlər ən yaxşı filmlər olacaq. “Biz əsas personajların hekayəsini davam etdirərək yeni dünyaları kəşf edəcəyik. Deyə bilərəm ki, son hissələr ən yaxşısı olacaq. Qalanları giriş, bir növ əsas kurs üçün süfrə hazırlığı idi”, - deyə o vurğulayıb.
Kemeron "Titanik", "Terminator", "Yadplanetlilər", "Uçurum", "Əsl yalanlar" və digər filmlərin rejissoru kimi tanınır. O, “Titanik” filminə görə “Ən yaxşı film”, “Ən yaxşı rejissor” və “Ən yaxşı montaj” nominasiyalarında üç dəfə “Oskar” mükafatına layiq görülüb. Rejissorun filmlərindən ikisi tarixin ən çox gəlir gətirən ilk 5 filmində yer alır - "Avatar" və "Titanik".
