Türkiyənin musiqi dünyasında ən çox albomu satılan müğənnilərin siyahısı açıqlanıb. Çox qəribədir ki, günümüzdə daha məşhur olan yeni nəsil müğənnilərdən heç birinin adı bu siyahıda yoxdur.
Hafta.az-ın yazdığına görə, siyahıya əsasən ən çox albomu satılan müğənni İbrahim Tatlısəsdir. Onun1985-ci ildə yazdırdığı “Mavi Mavi” adlı albomu 3,1 milyon ədəd satılmaqla rekord qırıb.
İkinci yerdə Coşqun Sabah gəlir. Onun 1990-cı ildə yazdırdığı “Beni Unutma/Aşığım Sana” albomu 2,7 milyon nüxsə satılıb. İlk üçlüyü Orxan Gəncəbay tamamlayır. Onun 1984-cü ildə lıentə aldırdığı “Dil Yarası” albomu 2,6 milyon tirajla bazarlara çıxıb və satılıb.
Siyahıda onluğa daxil olan sonrakı yerlər belə bölünüb: Mahsun Kırmızıgülülün 1998-ci ildə yazdırdığı “Yıkılmadım, Ayakdayım” albomu 2,6 milyon tiraj, Tarkanın 1997-ci ildə ərsəyə gətirdiyi “Ölürüm Sana” albomu 2,6 milyon tiraj, Sezən Aksunun 1991-ci ildə yazdırdığı “Gülümse” albomu 2,6 milyon nüxsə, İbrahim Tatlısəsin 1994-cü ildə yazdırdığı “Haydi Söyle” albomu 2,6 milyon tiraj, Tarkanın 1994-cü ildə yazdırdığı “Sen Aacayıpsin” albomu 2,6 milyon tiraj, İbrahim Tatlısəsin 1998-ci ildə yazdırdığı “At gitsin” albomu 2,5 milyon ədəd.
Siyahıda onluğu Sezən Aksunun 1984-cü ildə yazdırdığı “Sen Ağlama” albomu tamamlayır: 2,5 milyon tiraj.
