Pələnglərin mühafizəsində 50 illiyini qeyd edən Hindistanda "Tiger" layihəsinin 50-ci ildönümü qeyd edilib.
Hafta.az-ın “The Times of India”ya istinadən yazdığına görə, hazırda təxminən 3 min pələng əhalisi olan Hindistan dünya pələngləri əhalisinin 70 faizindən çoxunun yaşadığı yerdir və rəsmi rəqəmlərə görə, pələnglərin sayı ildə 6 faiz artır.
Heyvanların mühafizəsini təşviq etmək məqsədilə Hindistan ilk dəfə 1973-cü il aprelin 1-də o vaxtkı baş nazir İndira Qandinin rəhbərliyi altında "Tiger" layihəsini başlatdı. Layihə əvvəlcə 18278 kvadratkilometr ərazini əhatə edən 9 pələng qoruğunu əhatə edirdisə, indi Hindistanda 75 min kvadratkilometrdən çox (ölkənin coğrafi ərazisinin təxminən 2,4 faizi) yayılmış 53 qoruq var.
Ətraf Mühit Naziri Bhupender Yadav layihənin ildönümü ilə bağlı “The Times of India” qəzetinə müsahibəsində deyib: "Tiger" layihəsi pələngləri nəsli kəsilmək təhlükəsindən geri qaytarmağa müvəffəq oldu".
Hindistan hökuməti layihənin ildönümünü aprelin 9-da cənubdakı Karnataka əyalətinin Misore şəhərində üç günlük tədbirlə rəsmi olaraq qeyd edəcək. Tədbirdə Baş nazir Narendra Modi pələnglərin son siyahıyaalma məlumatlarını paylaşacaq və xatirə sikkəsi buraxacaq.
Yadav bildirib ki, layihənin uğuru təkcə rəqəmlərlə ölçülməməlidir. "Biz pələng qoruqlarının elmi şəkildə idarə olunmasına inanırıq və yaşayış mühitinin daşıma qabiliyyətinə əsaslanaraq pələng populyasiyasına malik olmağı hədəfləyirik", - nazir bildirib.
Nazirlik NTCA (Milli Pələng Mühafizəsi Təşkilatı) adı altında bütün potensial pələng yaşayış yerlərini əhatə edir ki, canlı pələng populyasiyaları davamlı şəkildə saxlanılsın.
Müxalif Milli Konqres Partiyasının baş katibi Cairam Rameş də pələngləri mühafizə layihəsinin 50 illiyindən danışıb. O, Twitter-də verdiyi açıqlamada deyib: "İndira Qandi 50 il əvvəl bu gün Corbettdə Gir Lion Layihəsinə başladıqdan 15 ay sonra "Tiger" layihəsini müjdələdi. O dövrdə 9 pələng qoruğu vardı, bu gün onların sayı 53-dü. Zəngin meşə sahələrinin 1/3-i indi pələng qoruqlarıdır".
Bu yaxınlarda parlamentdən ixrac edilmiş konqresmen Rahul Qandi də layihənin təşəbbüskarı olan nənəsi, keçmiş baş nazirə təşəkkür edib. "Tiger" layihəsi Hindistanın vəhşi təbiətin mühafizəsi və keçmiş Baş nazir İndira Qandinin ruhlandırıcı irsinə olan davamlı öhdəliyinə möhtəşəm bir hörmətdir", - deyib Rahul Qandi.
Hindistan 2010-cu ildə Banqladeş, Butan, Çin, Kamboca, İndoneziya, Laos, Malayziya, Myanma, Nepal, Rusiya, Tailand və Vyetnam kimi pələng populyasiyası olan digər ölkələrlə birlikdə 2022-ci ilə qədər öz ölkəsindəki bu böyük pişiklərin sayını iki dəfə artırmağı öhdəsinə götürüb.
Hindistan artıq 2018-ci ildə bu məqsədinə nail olub.
