Məkkədə Umm əl-Qura Universitetinin təşkil etdiyi “Dəyərlərin və intellektual şüurun gücləndirilməsində universitetlərin vəzifələri” adlı konfrans bu gün başlayır.
Hafta.az-ın yazdığına görə, konfransın məqsədi Səudiyyə Ərəbistanının bu sahədəki rolunu vurğulamaq, universitetlər və müvafiq qurumlar arasında təcrübə mübadiləsi aparmaq, bu günün ən aktual problemlərinin həlli yollarını hazırlamaq və universitetlərin məlumatlı cəmiyyətin qurulmasında öhdəlikləri ilə bağlı gələcəyə hesablanmış baxışı müəyyən etməkdir.
Konfrans 25-27 avqust tarixlərində Səudiyyə Ərəbistanı Kralı Salman bin Əbdüləzizin himayəsi altında Umm əl-Qura Universitetinin Abdiya kampusunda yerləşən Kral Əbdüləziz Tarixi Salonunda keçiriləcək.
Universitet tələbələri, professor-müəllim heyəti, intellektual maarifləndirmə üzrə ekspertlər, mədəni, sosial və media qurumları və sahibkarlar üçün nəzərdə tutulan konfransda 24-dən çox alim, ekspert və mütəfəkkirin iştirakı ilə beş elmi sessiya və seminar keçiriləcək. Onun məqsədi sağlam dəyərlərin və maarifləndirilmiş intellektual şüurun gücləndirilməsi istiqamətində səyləri birləşdirib fikir mübadiləsi aparmaqdır. Ummul Qura Universitetinin rektoru, professor Maadi bin Məhəmməd əl-Mazheb konfransın universitetin elmi və sosial missiyasına sadiqliyini, dəyərlərin konsolidasiyasına və intellektual şüurun artırılmasına səmərəli töhfə vermək öhdəliyini nümayiş etdirdiyini və Səudiyyə Ərəbistanının 2030-cu il hədəflərini təcəssüm etdirdiyini bildirib. Professor əl-Məzheb konfransın İslamın mötədil və orijinal dəyərlərini əhatə edən şüurlu cəmiyyətin qurulmasında universitetlərin rolunu gücləndirmək üçün intellektual və elmi təcrübə və bilikləri bir araya gətirən milli platforma olduğunu vurğulayıb.
