Apple Original Films, məşhur aktyorun Con Hill və Kianu Rivzlə birlikdə "Outcome" qara komediya filmində çəkilmək üçün aktyor Kemeron Diazla son danışıqlarda olduğunu açıqlayıb.
Hafta.az-ın “Variety”a istinadən yazdığına görə, Hillin rejissoru olduğu və Ezra Vudsla birgə yazdığı filmdə Kianu Rivz “sirli bir video ilə şantaj edildikdən sonra pis tərəfləri ilə üzləşmək üçün keçmişinin qaranlıq dərinliklərinə dalmağa məcbur olan” Hollivud ulduzu Rif rolunu oynayır.
Hələlik Kemeron Diazın rolu ilə bağlı heç bir açıqlama verilməyib.
“Outcome”, 1996-cı ildə “Feeling Minnesota” filmindən sonra ilk dəfə Diaz və Kianu Rivzi yenidən birləşdirir. Dünyada cəmi 3 milyon dollar gəlir əldə edən romantik komediya tənqidçilər tərəfindən böyük tənqidlə qarşılanıb.
Diaz dünya miqyasında 7 milyard dollardan çox gəlir əldə edən “The Mask”, “My Best Friend's Wedding”, “There's Something About Mary, Bad Teacher” və “Charlie's Angels” filmlərində rol alıb. O, həm də “Charlie's Angels” kimi filmlərlə komediya janrındakı istedadına əsaslanaraq karyera qurub.
Diaz həmçinin “Being John Malkovich”, “Vanilla Sky” və “Gangs of New York” kimi filmlərdəki performanslarına görə Qızıl Qlobus, SAG və BAFTA nominasiyaları alıb.
Diaz 2018-ci ildə yazıçı və sahibkar kimi karyerasına fokuslanmaq üçün aktyorluğu tərk etdiyini açıqlayıb. O, 2014-cü ildə Enninin remeykində Miss Hanniqan obrazını canlandırdıqdan sonra 10 ildir ki, heç bir filmə çəkilmir.
Diazın bu il ekranlara çıxacaq "Back in Action" filmində Jamie Foxx ilə birlikdə rol alacağı açıqlanıb.
Onun “Back in Action” və “Outcome” filmlərindəki rolları göstərir ki, 51 yaşlı Diaz təqaüdə çıxmaqdan rəsmən imtina edib.
