Ər-Riyaddakı müvəqqəti Ramazan bazarlarında alış-veriş həvəskarlarının və sənətsevərlərin iştirak etməsi diqqət çəkir. Bu bazarlarda bəzi insanların Ramazan ayında evlərini bəzəməyə üstünlük verdiyi bir çox ənənəvi mağazalarda satılan bəzək əşyaları var.
Hafta.az-ın yazdığına görə, həmin bazarlardan biri də bu ayda ən çox satılan məhsulların, xüsusilə də əl işlərinin sərgiləndiyi “Ramazan bazarıdır”. Buradakı əl işlərinə muncuq toxuması, muncuq işi, əl istehsalı məmulatlar, əl-Sədu və əl-Kat əl-Asiri ilə işlənmiş yerli geyimlər daxildir. Bundan başqa, ay ərzində məşhur şirniyyatların, samsa, balila kimi yeməklərin satıldığı yerlər var.
Axşam saat 10-dan sonra ziyarətçi sıxlığı artmağa başlasa da, bəziləri bazarı gəzməklə kifayətlənir. Digərləri isə Ramazan ab-havasına uyğun toxunmuş parçalar və qadınların öz əlləri ilə hazırladıqları əl işlərini həvəslə alırlar.
Bazardakı satıcılardan biri, 4 ildir ki, muncuq toxuması ilə məşğul olan Umm Əhməd Ramazan ayında məhsullarının çox bəyənildiyini deyir. O, Səudiyyə Ərəbistanının cənubundakı məmləkəti Fərasan adasında hazırlamağı öyrəndiyi tekstil məmulatlarını satan piştaxtalar qururmuş. Umm Əhməd bu məhsulların hazırlanması ənənəsini nəsildən-nəsilə ötürülən ailəsindən miras alıb. Hazırda o, bu əsəri yeni nəsillərə ötürmək istəyir ki, itməsin.
“Sarkul Avsat”a danışan Umm Əhməd, dizaynlarında əl-Sədu və əl-Kat əl-Asiridən ilhamlanaraq, Səudiyyə kimliyini və mədəniyyətini məhsullarına əks etdirməyə çalışdığını bildirir. O, həmçinin Mədinə və Məkkədəki İslam irsindən, eləcə də Əl-Ula dağlarından, Nəbati yazılarından və Səudiyyə Ərəbistanındakı orijinal tarixi və mədəni irsdən ilham alır.
Bazarda yüngül yeməklər və isti içkilər satan Cəvahir Səyyari Ramazan ayının ən məşhur yeməklərindən olan “bəlilə”ni inkişaf etdirməyə çalışdığını deyir. Ramazan ayında pəhrizə uyğun yüngül və sağlam yemək hesab edildiyi üçün sahurdan əvvəl baliləyə daha çox ləzzət qataraq yeni formada təqdim edərək bir çox ziyarətçinin rəğbətini qazanıb.
Səyyari həmçinin deyir ki, axşam saatlarında Ər-Riyaddakı soyuq hava isti içkilərin, xüsusilə çay, kofe və masala çayının satış faizinin artmasına böyük töhfə verib.
Qeyd edək ki, Ramazan ayında məhsullarına tələbat artdığından bir çox istehsalçı ailələri bu bazarlarda iştirak etmək istəyir. Xüsusilə, Səudiyyə Ərəbistanının məşhur yeməkləri olan Kabsa, Cureyş və digər qidalar Ramazan ayında çox tələb olunan məhsullar sırasındadır.
