Fanatlarının illərdir səbirlə gözlədiyi “Konstantin 2”dən xəbər var. Məşhur aktyor Keanu Rivs yeni DC Universe-in bir hissəsi olmayacaq Ceyms Qann və Peter Safranın davamı filmində Con Konstantin obrazı ilə bir daha tamaşaçıların qarşısına çıxmağa hazırlaşır.
Hafta. az-ın yazdığına görə, Amerika Yazıçılar Birliyinin tətilinin sona çatmasından sonra “Konstantin 2” ilə bağlı ən son xəbərlər filmin istehsal prosesinin bərpa olunduğunu göstərir.
“BroBibles Post Credit Podcast”da qonaq olan “Konstantin 2”nin rejissoru Frensis Lourens filmlə bağlı həyəcanlı xəbərlər verib. Lourensə görə, “Konstantin 2” 2005-ci ildəki “Konstantin”in izlədiyi yola bənzər bir şəkildə gedəcək.
Rejissorun sözlərinə görə, film ABŞ-da “R” reytinqi ala bilər, yəni 17 yaşından aşağı olanlar kinoteatrda filmə baxmaq istəsələr, yanlarında valideynləri və ya yetkin qəyyumları olmalıdır.
Rejissor Lourens də davam filminin Rivsi daha yaşlı Konstantin kimi təsvir edəcəyini açıqladı: “Keanu, mən və ilk filmi çəkdiyimiz Akiva Qoldsman ideyalar üzərində işləyirdik, lakin tətil səbəbindən bir müddət dayandıq. Bununla belə, biz ikinci hissəni yaratmaq üçün fəal şəkildə ideyalar yaradırıq və həmin film “R” reytinqinə layiq görüləcək”.
Lourens, davam filminin “Konstantin”dən iki həftə sonra baş verən” bir layihə olmadığını da vurğulayıb: “Çox danışmadan deyə bilərəm ki, Con Konstantinin yaşlı versiyası ilə məşğul olacaq bir layihədir”.
Xatırladaq ki, DC Universe-nin Hellblazer komikslərinin uyğunlaşdırılmasında Keanu Rivs demonoloq və cin çıxaran Con Konstantin rolunda çəkilib.
Filmin rejissoru “Aclıq oyunları” filminin rejissoru Frensis Lourens, prodüseri isə Akiva Qoldsmandır.
