Leonardo Di Kaprionun əvvəlcə “Full Moon Killers” filmində fərqli bir obrazı canlandırması planlaşdırılırdı. Kinorejissor Martin Skorsese ilə ümumilikdə 8 dəfə çalışmış aktyor David Grannın böyük bəyənmə topladığı yeni adaptasiyasında Ernest Burkhart obrazı ilə tamaşaçıların qarşısına çıxır.
Hafta.az-ın yazdığına görə, filmdə Ernest, neftdən sonra bir-bir öldürülməyə başlayan Oklahoma ştatının Osage County bölgəsində bəd xarakterli fermer Uilyam Heylin (Robert De Niro) qardaşı qızı Molli (Lili Qladstoun) ilə tanış olur.
Bununla belə, Di Kaprio əvvəlcə Ernest rolunu oynamaq üçün işə götürülməyib, əvəzində, o, bir sıra cinayətləri araşdırmaq üçün C. Edqar Huver tərəfindən Oklahomaya göndərilən FTB agenti Tom Uayt rolunu oynayacaqdı. Rol sonda Cessi Plemonsa keçib.
Ssenari müəllifi Erik Rot 2020-ci ilin noyabrında Skript Notes podkastında “Uoll Stritin canavarı”nın ulduzu ilə fərqli obrazı oynamaq xahişləri barədə danışıb. O, mübahisə etdiyini söyləyib: “Leonardo müzakirə etdiyimiz bəzi şeylərin dəyişdirilməsini istəyirdi. Debatların yarısını o qazandı, yarısını isə mən. Yəni belə şeylər olur”.
Qrannın qeyri-bədii kitabı kimi, ssenari əslində Uaytın gözü ilə hekayəni izah etdi. Bununla belə, ssenari Ernesti hekayənin mərkəzində yerləşdirmək üçün yenidən yazılıb və istehsalın artıq kinoteatrlarda olan son versiyasında Tom Uayt film başlayandan təxminən iki saat sonra böyük ekranda görünür.
Bildirilir ki, Plemons üç saat yarım davam edən “Full Moon Killers” filmində rol almaq üçün Cordan Pilenin "Nope" filmini tərk etməli olub.
Skorsese ssenaridəki dəyişikliyi daha çox Osage qəbilə üzvlərinin perspektivinə diqqət yetirmək istəyi ilə əlaqələndirib.
“Full Moon Killers” hazırda kinoteatrlardadır və noyabrda onu Apple TV+-da izləmək mümkün olacaq.
