“Xaç atası” bütün zamanların ən yaxşı filmlərindən biri hesab edilsə də, Mario Puzonun eyniadlı romanı ədəbi klassik hesab edilmir.
Hafta.az-ın yazdığına görə, ilk nəşr olunduğu zaman bestsellerlər siyahısında olsa da, “Xaç atası” klassikaya çevrilə bilməyib və bəzi tənqidçilər tərəfindən “standart hava limanı romanı” hesab edilib. Lakin Frensis Ford Koppolanın film üçün hədəfləri mənbə materialından çox böyük idi. Rejissor adi qanqster hekayəsini ailə, miras, Amerika siyasəti və gücünün kompleks təhlilinə çevirmək istəyirdi. Bunun üçün 84 yaşlı rejissor mümkün olan ən yaxşı aktyorları seçməli idi.
Koppolanın seçmə prosesi son dərəcə gərgin idi, çünki o, həm də kommersiya baxımından əlverişli olan bir film çəkmək üçün “Paramount Pictures” və prodüser Al Ruddi tərəfindən təzyiqlərlə üzləşməli oldu.
Al Paçino, Ceyms Caan, Robert Duvall və Sterling Hayden tanınmış adlar olsalar da, “Xaç atası” karyerasını növbəti mərhələyə keçirməzdən əvvəl onlar “film ulduzu” hesab edilmirdilər.
Koppola bilirdi ki, “Paramount”un kassa hiti arzusunu təmin etmək üçün ona veteran qanqster Don Vito Korleone rolunda böyük bir ulduz lazımdır. Marlon Brando rol üçün mükəmməl seçim idi.
Koppola Burt Reynoldsun Maykl Karleone kimi gənc və başlanğıcda günahsız biri üçün mükəmməl olacağını düşünsə də, Brando bununla razılaşmayıb. İddiaya görə Brando, Reynolds işə götürülərsə, filmi tərk edəcəyi ilə hədələyərək, Koppolanı mükəmməl Maykl Korleone tapmaq üçün kastinq prosesini genişləndirməyə məcbur edib. Reynolds Maykl Karleone rolu üçün nəzərdə tutulan yeganə ad deyildi. Filmin çəkilişi zamanı müxtəlif məqamlarda rol üçün Ceyms Kaan, Dastin Hoffman, Martin Şin, Din Stokvell, Cek Nikolson və Rayan Onil də nəzərdə tutulmuşdu.
Al Paçino filmdə Mayklın italyan əsilli amerikalının canlandırılmasının ən yaxşısı olacağını düşünən Koppola üçün gündəmə gəlib. “Paramount” əvvəlcə Paçinonu çox qısaboy görsə də, rol üçün seçilən adam usta aktyor idi.
Xatırladaq ki, filmin büdcəsi 6 milyon dollar olsa da, dünya üzrə 137 milyon dollar gəlir əldə edib.
