Prezident Vladimir Putin Andrey Rublyovun (1360-1430) məşhur ikonası olan “Troitsa”nı kilsəyə vermək qərarına gəlib.
Qeyd edək ki, bu ikona uzun illərdir Pravoslav Kilsəsi ilə mədəniyyət və incəsənət dünyası arasında mübahisə predmeti idi.
Hafta.az-ın yazdığına görə, ikona Moskvadakı Tretyakov Şəkil Qalereyasının kolleksiyasında saxlanılırdı. Patriarx Kirill ikonanı Putindən "iki həftəlik" istəmişdi, amma sevindirivi qərar verildi. Patriarx Kirill dövlət başçısının gözlənilməz addımını "tarixi qərar" adlandırıb.
İkona Rus Pravoslav Kilsəsinin ruhani mərkəzi sayılan “Troitsa” Müqəddəs Sergi monastırına uzun fasilədən sonra ilk dəfə ötən iyul ayında gətirilib. Mütəxəssislər beş əsrlik ikonanın ziyan çəkəcəyinə dair xəbərdarlıq etmişdilər, lakin bu narahatlıqlar qəbul edilməmişdi.
Rublyovun “Troitsa” ikonası müntəzəm olaraq Moskvadakı Tretyakov Şəkil Qalereyasında sərgilənir. İkona ilk dəfə 1917-ci ildə monastıra gətirilib, lakin 1929-cu ildə Tretyakov Qalereyasının kolleksiyasına təhvil verilib.
İkona 1997-ci ildən bəri hər il “Troitsa” bayramında Tretyakov Şəkil Qalereyası daxilində kilsədə nümayiş etdirilir, lakin muzeydən çıxarılmayıb. İkonanın Sergiyev-Posada köçürülməsi 2008-ci ildə də gündəmdə idi, lakin muzey və sənət tarixçilərinin etirazı ilə pravoslav kilsəsi geri addım atıb.
Muzey rəsmiləri xəbərdarlıq edir ki, temperatur 18-20 dərəcəni və rütubət 50-55 faizi keçərsə, ikona düzəlməz dərəcədə zədələnəcək.
“Troitsa” Moskvadakı Xilaskar Məsihin Katedralində bir il ərzində nümayiş etdiriləcək, bundan sonra nəhayət, Müqəddəs Sergius “Troitsa” Monastırına aparılacaq.
Patriarx Kirill bildirib ki, Rublyov bu il iyunun 4-də qeyd olunacaq “Troitsa” Günü üçün iki həftəlik ikonanı istəyib, lakin prezident Vladimir Putin “tarixi qərar” verib. Kirilin sözlərinə görə, Putin kilsənin "yalnız xəyal edə biləcəyi" jestlə simvolu qaytarmaq qərarına gəlib.
