Arxeoloqlar Fransanın qərbindəki Vannes bölgəsində yaxın vaxtlara qədər fəaliyyət göstərən "Lagorce Hotel"in həyətində 14-cü əsrə aid qalanın qalıqlarını tapdıqlarını açıqlayıblar.
Hafta.az-ın "Fox News"a istinadən yazdığına görə, adı Château de l'Hermine olaraq bildirilən qala 1380-ci illərdə Brittani Hersoqu IV Con tərəfindən tikilib.
Milli Preventiv Arxeoloji Tədqiqatlar İnstitutu (INRAP) martın 26-da dərc etdiyi press-relizdə arxeoloqların keçən il aparılan qazıntılar zamanı qala xarabalıqlarının nə qədər yaxşı qorunduğunu görəndə təəccübləndiklərini açıqlayıb.
Hersoqun qaldığı evin qalın divarları, çoxsaylı pilləkənləri və xəndəkləri olduğu açıqlanıb. Aşkar edilənlər arasında qalanın gündəlik həyatı əks etdirən paltarlar, asma qıfıllar, sikkələr, mətbəx avadanlığı və zinət əşyalarının da olduğu bildirilib.
Bölgədəki rütubətin hətta çəllək kimi taxta əşyaları belə qoruduğu vurğulanıb.
INRAP-ın açıqlamasında deyilir: "Tikinti qısa vaxtda tamamlanıb, bu da istifadə edilən maliyyə və insan resurslarının əhəmiyyətini göstərir. Dağıntılar IV İohannın dövrün ən yaxşı mühəndis və sənətkarlarını toplamaq üsulunu bildiyini ortaya qoyur".
10-16-cı əsrlər arasında feodal dövləti olan Brittany, vikinqlərin bölgədən qovulmasından sonra qurulub. Kiçik dövlətin hökmdarları soykökü ilə müəyyən edilirdi. 1365-ci ildə hakimiyyətə gəlmiş IV Con həmçinin ev kimi istifadə etdiyi bir çox qalalar tikib.
IV Conun nəvəsi II Fransis hersoqluğun qərargahını Vannesdən köçürdükdə, Château de l'Hermine sadəcə yüz il istifadə edilib və sonra unudulub.
2021-ci ildə başlanan işlər nəticə verənə qədər qalanın planı tam məlum deyildi. Onun ölçüsü 42 metrin 17 metrə, divarlarının qalınlığının isə 5,5 metr olduğu bildirilib.
Hündürlüyü üç-dörd mərtəbəyə çatan drenaj boruları və tualetlər də aşkar edilənlər arasındadır.
