Dəvə yarışı Ərəbistan yarımadası mədəniyyətində 7-ci əsrə aid ən qədim və ən geniş yayılmış xalq idman növlərindən biri hesab olunur.
Hafta.az-ın “İndependent Arabia”ya istinadən yazdığına görə, keçmişdə bu idman növü fərdi, qəbilə və ya ailə səviyyəsində təsadüfi hadisə hesab olunurdu, yaxud da xüsusi bir gündə və ya toy şənliyi zamanı baş verirdi. Ancaq son illər ənənəvi olaraq yalnız kişilərin iştirak etdiyi bu tədbirdə qadınların iştirakı ilə vəziyyət dəyişib. Bu dəyişiklik vəliəhd şahzadə Məhəmməd bin Salmanın Dəvə Festivalının tarix səhnəsindəki əhəmiyyətini və qadınların bu tədbirdə iştirakının vacibliyini vurğulayır.
Festivalın tarixində ilk dəfə qadınların 2 kilometrlik dəvə yarışında müxtəlif ölkələrdən 13 qadın iştirak edib.
Amerikalı dəvəçi Teylor Dizi “Hamlul” adlı dəvə ilə 2 kilometr məsafəni qazandığı bu yarışda iranlı dəvəçi İzzətullah Fermuş “Ər-Rahaavi” adlı dəvəsi ilə ikinci olub.Alman dəvəçi Mark Vard isə beynəlxalq qadınlar marafonunun açılış dövrəsində öz dəvəsi “Muazzəz” ilə üçüncü yeri tutub.
Qaliblərin mükafatlandırılması mərasimində idman nazirinin müavini, Olimpiya və Paralimpiya Komitəsi İdarə Heyətinin üzvü Advaa əl-Arifi iştirak edib.
Səudiyyə Ərəbistanının Vaşinqtondakı səfiri Şahzadə Rima bint Bandar tvitində qadınların qələbəsini qeyd edərək yazıb: "Dünyanın hər yerindən qadınların ərəb mədəniyyətini idman vasitəsilə qeyd etməsini görmək çox gözəl idi. Beynəlxalq Çempionatda qalib gələn Teylor Dizi təbrik edirik".
Dəvə Festivalında qadınlara tarixi uğur qazandıran amerikalı dəvəçi Teylor Diz, "Bu festivala görə Vəliəhd Şahzadə Məhəmməd bin Salmana təşəkkür edirəm. Bu, irəliyə doğru atılmış böyük bir addımdır. Mən də Səudiyyə Ərəbistanında hər kəsi, xüsusilə də bu bayram festivalında iştirak edənləri təbrik etmək istərdim. Bu tarixi hadisənin bir hissəsi kimi burada olmaq şərəfdir. Çox yaxşı təşkil olunmuş yarış və əla təcrübədir. Təşkilatçıların göstərdiyi diqqəti görmək çox gözəl idi. Gərginlik, çaşqınlıq və ya "Aranjimanlarda” heç bir səhv hiss etmədik, hər şey qaydasında getdi. Həmçinin hər hansı bir ölkəyə səfər etmək, onun mədəni təcrübəsinə sahib olmaq və onlarla ünsiyyət qurmaq da çox xoşdur. Taifə gəldiyim gündən özümü təhlükəsiz, xoşbəxt və xoş hiss edirdim” deyib.
Alman dəvəçi Mark Vard öz təcrübəsini bu sözlərlə bölüşüb: "Səudiyyə Ərəbistanında ilk qadın dəvə yarışında iştirak etmək mənim üçün inanılmaz təcrübə oldu. Bu festivalın bir hissəsi olmaqdan çox xoşbəxt idim”.
Festivalın təşkilat komitəsi ICRF ilə əməkdaşlıq edərək builki tədbirdə qadınlar üçün xüsusi marafon tədbiri təşkil edib və ümumilikdə 155 min rial (40 min dollar) dəyərində mükafatlar təqdim edib. Bu, Səudiyyə Ərəbistanı və beynəlxalq dəvə idman assosiasiyalarının qadınların dəvə yarışlarında iştirakını təşviq etmək səylərinin bir hissəsidir.
Təqdirəlayiq haldır ki, qadınlar üçün beynəlxalq marafonun Beynəlxalq Federasiyanın qanunları, qaydaları və nəzarəti əsasında təşkil olunması, iştirakçı dəvələrin yaşının 18-dən az olmaması, federasiya tərəfindən müəyyənləşdirilmiş idman geyimi və təhlükəsizlik ləvazimatlarından istifadə və bu şəkildə bütün şərtlər yerinə yetirilir.
İştirakçı dəvələr arasında Hayel, Sanaya Bakar, Zamul, Sanaya Kadan kimi müxtəlif növlər olub.
Bu festival Səudiyyə Ərəbistanının vəliəhd şahzadəsi Məhəmməd bin Salmanın dəstəyi ilə keçirilir, Səudiyyə Ərəbistanının beynəlxalq aləmdə artan əhəmiyyətini göstərir və yerli əhalinin dəvə idmanına olan marağına cavab verir.
Bu tədbir dəvə sahiblərinə və bu idman növünü sevənlərə bütün Ərəbistan yarımadasında və ərəb dünyasında öz məqsədlərinə çatmaq imkanı verir.
