Cambullu rəssam, miniatür lak boyama ustası, 65 yaşlı Natalya Dosanova Qazaxıstanın Respublikası Gününə həsr olunmuş rəsmlər silsiləsi hazırlayıb.
Hafta.az xatırladır ki, ötən il Taraz şəhəri Qazaxıstan şəhərləri arasında ilk olaraq sənətkarlar şəhəri statusu alıb və Dünya Əl Sənəti Şəhərləri Siyahısına daxil edilib. Tarazda 200-ə yaxın sənətkar yaşayır.
“Üç yaşım olanda ailəmiz Novosibirskdən Qazaxıstana köçdü. Uşaqlıqdan xalam mənə əl işləri - sənətkarlıq, tikmə, toxuculuq, eləcə də rəsm və şeir yazmağı öyrətdi. Uşaqlıqda biz hər zaman onun ətrafında olurduq, bacarıqlarını öyrənirdik”, - o deyib.
İndiki Tarazda - Cambul şəhərindəki Abay adına Pedaqoji Məktəbdə rəssam Vasili Strokovdan peşəkar bilik əldə etmək şərəfinə nail olan Natalya daha sonra “Öneraz” xalq sənətkarlığı fabrikində işə düzəlib. Bu gün hər kəsi heyrətləndirdiyi laklı miniatür Palex rəssamlığının sirlərini də orada tanış olduğu Moskva Palex adına Miniatür və İkon Rəssamlıq Məktəbini bitirmiş rəssam Nuri Qlyanov və onun həyat yoldaşından öyrənib.
Taraz “Önerpaz” fabriki 1998-ci ildə bağlandıqdan sonra Natalya Dosanova rəssam kimi fəaliyyətini davam etdirib, qutuların və digər dekorativ-tətbiqi sənət obyektlərinin bədii rənglənməsi ilə məşğul olub.
Hazırda Natalyanın nəvələri də rəssamlıq peşəsini seçiblər: böyük qızı Kristina Çernyaxovskaya da rəssamlıq qabiliyyətinə malikdir, sənət studiyasında oxuyub, lakin indi Moskva universitetində hüquq ixtisası üzrə təhsil alır.
Natalya Dosanova deyir: "Mən Palexin laklı miniatür rəsmlərini çox sevirəm. Əsərlərimi sərgiləmirəm, amma rəsmlərim başqa ölkələrdə kolleksiyalardadır. Bunlar boyalı qutular, rəsmlər, mətbəx lövhələridir. Bütün bunlar dostlara, tanışlara verildi. Qazaxıstanın Respublika Günü üçün kitabxana işçilərinin sifarişi ilə ağac gövdələrinə silsilə rəsmlər çəkdim. Bu, milli geyimli qız, zindan, at sürüsü, milli baş geyimli qadın, tovuz quşları və sairdir. Rəsm üçün əsas olaraq, qutular üçün xüsusi texnologiyadan yararlanaraq işləmək üçün hazırladığım quru ağac kəsiklərdən istifadə etdim. Amma burada düzgün seçim etmək vacibdir. Məsələn, əgər ağac ağcaqayındırsa, qabıq rənglənmir, qalan hissəs isə rəsmin fonunun rənginə boyanır və kənarları boyunca ornament hazırlanır. Mən kəsikləri belə emal edirəm və hamar bir səthdə dizayn tətbiq etməyə başlayıram”.
Sənətkarın yaratdığı rəsmlər Tarazdakı Çoxan Vəlixanov adına kitabxananın binasını bəzəyyir.
