Gələcəkdə “Mədəni irs haqqında” qanun layihəsini hazırlayaraq təqdim etmək istəyirik.
Bunu Mədəniyyət nazirinin birinci müavini Adil Kərimli deyib.
Onun sözlərinə görə, “Mədəni irs haqqında” qanun layihəsi qeyri-maddi irsi də əhatə edəcək.
Bu gün təqdim olunan layihə Azərbaycanda mədəni irsin qorunması üçün zəruridir - Adil Kərimli deyib.
Onun sözlərinə görə, hazırda mədəniyyət sahəsində təhlil mərhələsindən keçilir: “Problemləri tapıb həll edirik. Mədəniyyət sahəsi hər zaman diqqətdədir. Ciddi addımlar da atılır. Mədəniyyət sahəsində Dövlət proqramı hazırlanacaq. Kadr yanaşmaları fərqli olur. Mədəniyyət sahəsində uğursuzluqlar da var. İkinci problem isə cəmiyyətin düzgün yanaşmamasıdır. Mədəniyyət sahəsində islahatların aparılmasına ehtiyac var. İtməkdə olan əsərlərimiz Heydər Əliyev Fondu tərəfindən tapılıb üzə çıxarılır. Mədəniyyət sahəsində boşluqların və probemlərin aradan qaldırmaq üçün dövlət sənədinin qəbul edilməsi lazımdır”.
