Qəzzada daha bir jurnalist həlak oldu

09:25 26.04.2024 Müəllif:Vüsal Tağıbəyli
Yazını böyüt
Yazını kiçilt

İsrail ordusunun Qəzza zolağında həyata keçirdiyi hücumlarda daha bir jurnalist həyatını itirib.

Hafta.az-ın yazdığına görə, hökumətin Qəzzadakı Media Ofisindən verilən yazılı açıqlamada, İsrailin hücumlara başladığı 7 oktyabr 2023-cü ildən Qəzza zolağında öldürülən jurnalistlərlə bağlı məlumat verilib.

İsrail ordusunun Rəfahdakı evinə həyata keçirdiyi hava hücumunda Fələstinin “Əl-An” Xəbər Agentliyinin əməkdaşı Məhəmməd Bisam əl-Cəmelin həyatını itirdiyi bildirilib.

Açıqlamada Qəzza zolağında 2023-cü il oktyabrın 7-dən bu yana öldürülən jurnalistlərin sayının 141-ə yüksəldiyi bildirilib.

Media Ofisindən əvvəlki açıqlamada İsrailin “Fələstinin səsini susdurmaq, faktları gizlətmək, xəbər və məlumatların regional və beynəlxalq ictimaiyyətə çatmasının qarşısını almaq üçün” Qəzzada jurnalistləri qəsdən öldürdüyü bildirilmişdi.

Oxunma sayı 179