Yazını böyüt
Yazını kiçilt
Səudiyyə Ərəbistanında Əl-Ula Dəvə Kubokunun ilk mərhələsinə start verilib.
Hafta.az-ın yazdığına görə, Kubok martın 17-də 80 milyon rialdan çox olan böyük mükafatlarla başa çatacaq. Əl-Ula əyalətindəki "Heritage Village" dəvələrlə bağlı daha çox festival və əyləncə tamaşalarına malikdir və onlar bütün yaşa uyğundur. Bundan əlavə, kəndir qotazlarından tutmuş dəvə fiqurlarına qədər hər şeyi hazırlayan sənətkarlıq emalatxanaları da burada yerləşir. Ziyarətçilər 360 dərəcəlik videolarla dəvələr haqqında daha təəccüblü faktlar öyrənə bilərlər.
Dəvə Kubokunu müşayiət edən tədbirlər arasında "Heritage Village"də bir çox konsertlərlə yanaşı şairlər, sənətçilər və onların istedadlarını nümayiş etdirən müxtəlif musiqi tədbirləri keçirilir. Əl-Ula əyalətindəki "Heritage Village" daha çox Əl-Ula Dəvə Kuboku ilə seçilir. Uca dağları və tarixi yazılarla dolu qayaları ilə ziyarətçiləri cəlb edən bu yerlərdə kənd uzun, dərin və köklü bir tarix nümayiş etdirir. Yazılar minlərlə il əvvələ uzanan Əl-Ula sivilizasiyasını və mədəniyyətini vurğulayır.
Məlumata görə, "Heritage Village" 30-dan çox sahə və təxminən 14 fərqli fəaliyyətdən ibarətdir. "Heritage Village" ziyarət məqsədilə əsas yarış meydanının yaxınlığında istirahət və əyləncə üçün nəzərdə tutulub. Bu ərazilərdə tribunanın yanında restoranlar və yemək köşkləri, oturma yerləri var. Burada həm də karvan tərzində alış-veriş təcrübəsini yaşamaq mümkündür.
